ኒግሮ

.ሓንሳብን ንሓዋሩን ኒግሮ

                  ኣለክሳንደር ፑሽኪን

 

ውሽጣዊ እምነቱ ኣይሓብኤን

ሩስያዊ-ኤርትራዊ ኣለክሳንደር ፑሽኪን

 

         ሩስያ ኣዝዮም ይፈትውዎ

         ይንእድዎ...የድንቕዎ

         ብሽጉጦም ግና ቀተልዎ

                    

ሞቱ ምእማን ሰኣንዎ

ጉድጓድ ፈለዮም

ጉድጓድ ወሓጦ

ኮይኑ ግና ነባሪ ስርሑ ኣለዎም

 

            ፑሽኪን

             ንህዝቢ ሩስያ

             ኣቦቋንቋ---ኣደ-ባህሊ

             ጎይታ መንነት መሪሕ ህላወ

 

ተቓላሲ ፈሪሑ ዘይጥወ

ኤርትራዊ ዓጽመ-ስጋ

ኤርትራዊ መንፈሱ

ንሳ ኮነት መጥፍኢት ነፍሱ

 

              ተጨውዩ ዝመጾም

          ግና ኮነ ጎይታ ልቦም

              እወ!ንኹሉ ክንዲ-ኩሉ

               መዘና ዝስእን

             መዘና ዘይብሉ

             መልኣኽ ልቦም...ዘይጸግቡዎ ንኢዶም

             ብሕቱው መልኣኽ

             ሰብ ዝመስል ሰብ ምዃኑ ዘጸግም

 

ክንድኡ

ኣደታቶም ኣይወለዳን

ኣቦታቶም ኣየዕበዩን

ሩስያ ሩስያ ንኽትከውን

 

               ሰብ ኮይኑ ከም ሰብ ተቖጽዩ

              ንውጽኢት ስርሑ ፈንዩ

              መድረኽ ህላወኡ ዓጽጻዩ

 

መድረኽ ሩስያ ስኢና ዋና

ከም ፑሽኪን መን ኔሩ ዝሓቝና

ንሱ ነበረ መጋኣረጃ ክዳና

          ፑሽኪን  ፈጣሪ ሓሳብ

 ቀለም ከዓወ ወረቓቕቲ ጻሕተረ

ሓሳብ ካብ ሓሳብ  

 

 

                                          ብፍቓዱ ካሕሳይ